الصداع في الأطفال

1- اه طبعا الاطفال ممكن يصدعوا مش الأطفال حتي الرضع ممكن يجيلهم صداعأعراض الصداع عند الأطفال الأكبر شويه قد تتشابه مع الكبار في الآم الرأس والميل الي القئ أو الغثيان وأحيانا القئ ومحاولة تجنب الأصوات والضوء ولكن الصداع في الرضع والأطفال الأصغر سنا بيظهر في صورة مختلفه فمثلا في الرضع ممكن الصداع يجي في شكل مغص متكرر(infant colic)أو صراخ متكرر أو دوخه ودوار متكرر (benign paroxysmal vertigo)قد يمنع الطفل احيانا من اللعب و المشي.

2- تعبير الطفل عن الصداع قد يختلف عن الكبير فممكن أعراض الصداع تظهر في أن الطفل يتفادي اللعب يتفادي النظر في الموبايل او الكمبيوتر أو يرفض الأكل عشان الغثيان أو الميل للقئ وممكن يشير الي معدته أو بطنه كمكان للالم.

3- أسباب الصداع كتير ممكن يبقي صداع بدون سبب واضح زي صداع الشقيقه(النصفي) اللي غالبا بيجي في كل الرأس وليس نصف الرأس زي الكبار و بيزيد مع الحر و الجوع و المجهودممكن كمان الصداع التوتري😲 اه ممكن الطفل يتوتر 👧🏻وممكن مع الضغط العصبي والنفسي والذهني يحصله صداع بنسميه الصداع التوتري tension headache.

4- اهم حاجه تهمنا في الصداع في الأطفال التأكد من أن الصداع مش بسبب لا قدر الله اي حاجه في المخ زي أورام مثلا أو او ما شابه ذلك لازم منستهترش بالصداع في الأطفال ولازم نتوجه لطبيب المخ والأعصاب

5- دور طبيب المخ والأعصاب في فحص الطفل جيدا مهم جدا و فحص قاع العين مهم جدا وسماع شكوي الأم بالتفاصيل وأحيانا لو الطفل قادر اعطاء الشكوي بنفسه ممكن نسمع الطفل كمان وفي بعض الأحيان قد نحتاج لعمل لاشعة رنين مغناطيسي علي المخ للتأكد من سلامه المخ وفي أكثر الأحوال لانحتاج لعمل أشعة

6- العلاج : العلاج يتوقف علي السبب فمثلا علاج الشقيقة ( النصفي) هناك مسكنات وقت حدوث الصداع مثل الباراسيتامول وهناك أدوية وقائيه من الصداع مثل التوبراميت سبيروهبتادين والصداع التوتري يستجيب لاعطاء باسط العضلات مع إعطاء مسكن وقت اللزوم اما الصداع الناتج عن وجود لاقدر الله أي اصابات بالمخ لابد من علاج السبب والتدخل لعلاج اصابات المخ أولا